Aadat

Rahat ki saans lete rahe

            Chand aakhri saanse jo hain.

Ab ye jism bhi thak raha hai.

Dhadakte-dhadakte dil bhi ab ruk raha hai.

Aadat si ho gayi hai jeene ki

Ab chhodi bhi nahi jaati

Reh gayi hain jo chand saanse

Ab mujhse li bhi nahi jaati.

Aankein bhi band, khwab hi dekhti hain

Khulte hi saamne,

Mare chehron ki baadh nazar aati hai

Sunayi deti nahi ab,

              Masjid ki azaan.

Mandir ki ghantiyan,

              Na koi ummeed ki aawaz.

Chakhne ko milti hain ab

Kadvi davaiyan.

Reh gayi hain ab bas,

Yaadon ki angraiyan.

Jaane ka waqt aa gaya hai

Par rokte hain chaahne waale.

Unhe bhi shayad

Meri aadat si pad gayi hai.

Aadat hi hogi..